Rafknúnir ávextir
Rafknúnir ávextir

Tónlistartilraunaverkstæði í Grófinni

Bókasöfn eru í hraðri þróun í átt að því að verða lærdóms- og þekkingarrými. Þar sem Borgarbókasafnið leitast við að vera leiðandi í tilraunum um að veita opinn aðgang að nútímatækni og tækjabúnaði þar sem útbúin eru svokölluð „Makerspaces“ eða tilraunaverkstæði þar sem gestir fá aðgang að opnu rými til að prófa sig áfram, skapa og uppgötva nýja hluti. Slíkt tilraunaverkstæði er að finna í Gerðubergi þar sem gestir, ungir sem aldnir, geta forritað og fiktað, til dæmis með makeymakey dóti, 3D prentara og vínylskera. 

 

Tónlistartilraunaverkstæði verður opnað í menningarhúsinu í Grófinni von bráðar. Settur var saman rýnihópur með tónlistarmönnum ásamt ungmennum og börnum sem höfðu áhuga á að læra að búa til tónlist. Hópurinn gaf okkur fjöldann allan af góðum ráðum og aðstoðaði okkur við að móta stefnu fyrir verkstæðið og er vonin sú að koma þessum hugmyndum í framkvæmd á næstunni. Við hvetjum alla áhugasama um að fylgjast vel með!

 

Rýnihópur

Eftir Borgarbókasafn (óstaðfest)
Þri, 11-09-2018 13:54
Flokkur